തിരുവനന്തപുരം: ആഗോള വിപണിയിലെ തൊഴിൽ സാധ്യതകൾ ലക്ഷ്യമിട്ടു ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ് കോഴ്സുമായി ഉന്നതവിദ്യാഭ്യാസ വകുപ്പിനു കീഴിലുള്ള അസാപ് കേരള.
അന്താരാഷ്ട്ര തലത്തിൽ വർധിച്ചുവരുന്ന ‘സപ്ലൈ ചെയിൻ അനലിസ്റ്റ് ’ ഒഴിവുകളിലേക്ക് ഉദ്യോഗാർഥികളെ പ്രാപ്തരാക്കുകയും ഈ മേഖലയിൽ ലോകത്തെവിടെയും മികച്ച കരിയർ ആഗ്രഹിക്കുന്നവർക്ക് വിദഗ്ധ പരിശീലനം നൽകുകയുമാണ് ഈ കോഴ്സിന്റെ ഉദ്ദേശ്യം.
ഡിഗ്രി വിദ്യാർഥികൾക്കും ഡിപ്ലോമക്കാർക്കും പ്രവൃത്തിപരിചയമുള്ളവർക്കും ഒരുപോലെ അപേക്ഷിക്കാൻ കഴിയുന്ന രീതിയിലാണ് ഈ കോഴ്സ് ക്രമീകരിച്ചിരിക്കുന്നത്. മൂന്ന്, നാല് വർഷ ബിരുദ കോഴ്സുകളിൽ രണ്ടാം വർഷം പൂർത്തിയാക്കിയവർക്കും യുജി ഡിപ്ലോമയുള്ളവർക്കും അപേക്ഷിക്കാം.
കൂടാതെ പത്താം ക്ലാസിനു ശേഷം മൂന്നു വർഷത്തെ ഡിപ്ലോമയും രണ്ടു വർഷത്തെ പ്രവൃത്തി പരിചയവുമുള്ളവർക്കും പന്ത്രണ്ടാം ക്ലാസ് വിജയത്തോടൊപ്പം നാലു വർഷത്തെ പ്രവൃത്തിപരിചയവുമുള്ളവർക്കും ഈ പ്രഫഷണൽ കോഴ്സിലേക്ക് പ്രവേശനം നേടാൻ അർഹതയുണ്ട്.
ഷിപ്പിംഗ്, ഏവിയേഷൻ, ഇകൊമേഴ്സ് തുടങ്ങിയ മേഖലകളിൽ മികച്ച ശന്പളവും കരിയർ വളർച്ചയും ഉറപ്പാക്കാൻ ഈ പരിശീലനം സഹായിക്കും. താത്പര്യമുള്ളവർക്ക് http://bit.ly/spplychain എന്ന ലിങ്ക് വഴി അപേക്ഷിക്കാം.
കൂടുതൽ വിവരങ്ങൾക്ക്: 9495 999 692
E-paper LOGIN
LOGIN
